Bogdanga Kuzeska nga LSDM ka thënë se standardi i jetesës së qytetarëve është një temë për të cilën qeveria duhet të flasë. Ajo tha se faturat e rrymës janë rritur me 30 e ndonjëherë edhe 40%, çmimet në supermarkete janë shumë të larta dhe paga minimale nuk është rritur.
“LSDM propozoi masa ekonomike për të ndihmuar qytetarët, por qeveria nuk i pranoi. Rritja me 40% e energjisë elektrike është një goditje e rëndë për xhepat e qytetarëve, të cilët tashmë mezi po ia dalin mbanë për shkak të çmimeve të larta të ushqimeve. LSDM ka bërë disa propozime ekonomike, si uljen e TVSH-së në rrymë dhe ushqime, por qeveria nuk i ka pranuar. Paga minimale nuk është rritur dhe as nuk planifikojnë ta rrisin. Epo, në kohën kur LSDM ishte në pushtet, ne ndërmorëm hapa që u treguan mbështetës për qytetarët”.
“Në 7 vite pagat u rritën 4 herë, kurse rryma u subvencionua 80%. Kjo tani është shfuqizuar. Qeveria as që po mendon të rrisë pagën minimale. VMRO-DPMNE nuk ka më asnjë bisedë me punëtorët, nuk ka dialog social, ka humbur çdo komunikim me qytetarët, me përfaqësuesit e target grupeve që kërkojnë paga më të larta. Dhe, nga ana tjetër, po rrisin çmimet, që është një goditje e rëndë për qytetarët në këtë krizë. Qeveria le të thotë se çfarë ka ndërmend të bëjë me standardin e jetesës së qytetarëve që mezi ia dalin mbanë”, tha Kuzeska.
