Në raportin e KE-së, sipas LSDM-së, konfirmohet se përkundër bllokadave dhe obstruksioneve të DPMNE-së dhe Mickoskit, Maqedonia vazhdoi t’i përmbush kushtet për vazhdimin e negociatave për anëtarësim në BE.
Progres, sipas LSDM-së, është arritur në 81% të kapitujve dhe nuk ka kthim prapa në asnjë kapitull. Sa i përket gatishmërisë së kapitujve, siç thonë nga LSDM, ka një nivel adekuat të gatishmërisë në 90%.
“Raporti i KE-së tregon qartë se pengesat kryesore për progres janë Mickoski, DPMNE dhe Levica, dhe vlerësimi i gatishmërisë së përgjithshme të vendit për vitin 2023 është ‘nivel i mirë i gatishmërisë’, konstantë që është fakt disa vite prapa. Për dallim nga raportimet katastrofike të kohës së DPMNE-së për një shtet të bllokuar, ndërhyrje të partisë dhe shtetit dhe segmente të shumta me shumë vite regresi, kemi progres drastik. BE shpalli njëkohësisht paketën për zgjerimin e unionit dhe planin për rritjen e ekonomive të Ballkanit Perëndimor. Vetëm me këtë plan Maqedonia ka në dispozicion një miliardë euro. Duke vazhduar me reformat dhe procesin integrues, pas pesë muajsh do të kemi transferimin e parë nga paketa e re”, thuhet në kumtesën e LSDM-së.
