Udhëheqësi i sektorit për arsim pran komunës Çair, Ferdi Baftiu pas ndodhive të fundit me lojën e fundit “Spiderman” në TikTok ka reaguar dhe sugjeruar nëpërmjet Facebook.
Së fundmi është shfaqur një lojë e re dhe e rrezikshme në TikTok, e njohur si “Spiderman”. Kjo lojë përfshin veprime të rrezikshme që mund të shkaktojnë lëndime serioze te fëmijët dhe të rinjtë.
Është jashtëzakonisht e rëndësishme të jemi të vetëdijshëm për aktivitetet e fëmijëve tanë në internet dhe t’i udhëzojmë për rreziqet që mund të hasen. Ju inkurajojmë të flisni me fëmijët tuaj për sigurinë në internet dhe rëndësinë e shmangies së aktiviteteve të rrezikshme.
Bëni një bisedë të hapur dhe të sinqertë me ta, dhe sigurohuni që të dinë se mund të kthehen gjithmonë tek ju për udhëzime dhe mbështetje. Duke bashkëpunuar, mund të sigurojmë që fëmijët tanë të jenë të sigurt dhe të mbrojtur nga rreziqet e padëshiruara.
