E ardhmja e Mohamed Salah mbetet në bregun e kuq të Mersey: sulmuesi egjiptian është afër nënshkrimit të një kontrate të re me Liverpool.
Marrëveshja mes klubit dhe kampionit është në fazën përfundimtare dhe tymi i bardhë, i vështirë për t’u imagjinuar muaj më parë, tashmë është vetëm një hap larg.
Optimizmi po filtron nga drejtuesit e klubit anglez dhe nënshkrimi duhet të shpallet zyrtarisht në ditët në vijim. E njëjta gjë vlen edhe për Virgil Van Dijk: mbrojtësi holandez ka konfirmuar progresin e bërë në negociata.
Salah, me një të kaluar në kampionatin italian mes Fiorentinës dhe Romës, më në fund lulëzoi në vitin 2017 me ‘martesën’ e tij me Reds, duke u bërë simbol me golat e tij në sukseset në Champions League me Jurgen Klopp në stol dhe dhe për të vijuar me të njejtin ritëm në Premier League, edhe me norvegjezin Arne Slot.
Qëndrueshmëria e tij në Anfield në të kaluarën e afërt dukej aspak e sigurt, e vënë në dyshim nga ofertat e pasura arabe. Sinjali nga klubi – dhe vetë lojtari – ishte i fortë dhe palët përshpejtuan për të gjetur një marrëveshje dhe për të vazhduar së bashku projektin e ri Slot. Egjiptiani, si edhe kapiteni Van Dijk, janë gati për të nënshkruar zgjatjen e marrëveshjes.
