Legjenda e Manchester United, Gary Neville ka komentuar shanset e Liverpool-it në garën për titull në Premier Ligë.
Në dy ndeshjet e fundit, kuqezinjtë kanë humbur dy herë mundësinë për të zënë vendin e parë në tabelë. Nga gjashtë të mundshmet, ata fituan vetëm dy pikë edhe pse luajtën kundër rivalëve të mëdhenj Manchester United (0:0) dhe Arsenal (1:1) në “Anfield Road”.
Në dy derbi, skuadra e Jurgen Klopp ishte më e mirë se kundërshtari, krijoi raste dhe gjysmë raste, por nuk i realizoi. Sipas Gary Neville, kjo mund të jetë pengesa kryesore e Liverpool-it në garën për titull.
“Klopp më parë kishte tre as në sulm, Salah, Mane dhe Firmino. Tani ai qëndroi vetëm te Salah. Gakpo, Darwin Nunes dhe Luis Diaz nuk janë të klasës botërore. Pikërisht kjo mund ta pengojë Liverpoolin në luftën për titull”, beson ish-kapiteni i Manchester United.
Liverpool aktualisht është i dyti në tabelë me një pikë më pak se Arsenali.
