Prokurori Publik i Republikës së Maqedonisë së Veriut Ljupço Kocevski me prokurorë të tjerë në një brifing me gazetarët, dhanë hollësi dhe shpjegime, se pse ky institucion ishte kritikuar në disa raste nga zyrtarë Qeveritarë për mos veprim për ndjekje të krimit dhe korrupsionit. Kocevski poashtu njoftoi se Gjykata ka ngritur rast për Artan Grubin dhe Gjykatësin Enver Bexhetin, dhe rasti, siç është bërë e ditur, i është dorëzuar prokurorisë kompetente, e cila do të lëshojë urdhra përkatës tek institucionet për zbulimin e veprave penale, tha mes tjerash Kocevski në pyetjen e gazetarëve.
“Duke marrë parasysh seriozitetin e pretendimeve për të cilat personat e përmendur janë vënë në listë, kam shfrytëzuar kompetencat e mia dhe dje kam ngritur një rast në përpjekje për të siguruar prova me të cilat do të kontrollojmë përgjegjësinë e mundshme penale të personave që janë lidhur me veprimet e ryshfetit dhe tregtisë me ndikim. Bashkëpunimi i Prokurorisë me partnerë strategjikë nga SHBA-të dhe veçanërisht me Ambasadën Amerikane është i shkëlqyer.”, tha mes tjerash Kocevski gjatë takimit me gazetarët.
Nën presionin e publikut, Enver Bexheti u kap nga Këshilli Gjyqësor duke mbajtur në sirtar dosjen për përgjimet masive të paligjshme ku i pandehuri i parë ishte Sasho Mijalkov, i cili u dënua në shkallë të parë me 12 vjet burg. Në sirtarët e tij 3 vite qëndroi edhe rasti korruptiv “Transporter” me ish-kryetarin e Manastirit, Vladimir Talevski. Thuhej se për ruajtjen e një lënde në sirtarët e tij janë paguar shuma të majme, si dhe fakti që paratë nuk i merrte vetëm gjyqtari, por ishte një rrjet që përfshinte zyrtarë të strukturave më të larta të qeverisë së mëparshme.
Kocevski poashtu shpjegoi se ai nuk ka informacione se sa raportime kanë arrit nga VMRO-DPMNE -ja për të cilat Gjykata nuk ka vepruar, por siguroi opinionin se për të gjitha dyshimet për të cilat kanë arritë raportime, është vepruar, dhe janë formuar lëndë.
