Ministër i Politikës Sociale, Demografisë dhe Rinisë, Fatmir Limani, ka akuzuar BDI-në se po e keqpërdorë për pikë politike rastin e paraburgimit t ëish-ministrit të Ekonomisë, Kreshnik Bekteshi.
Në emisionin “Dialog te Lajmi” që transmetohet sonte ora 18:30, Limani tha se vendimin për paraburgim e merr Prokuroria dhe jo Qeveria.
Sipas Limanit, vendimi për t’iu caktuar Bekteshit masa e paraburgim prej 30 ditësh, është firmosur edhe nga prokurori Islam Abazi, i cili drejton Prokurorinë për Krim të Organizuar.
“Rastin e Kreshnik Bekteshit opozita shqiptare përpiqet ta shfrytëzoj për poena politik. Vendimet për zgjatje të paraburgimit i merr Prokuroria dhe nuk i merr Qeveria, mbi bazën e aktakuzës, qoftë ajo e lehtë apo e rëndë kategorizimin e bëjnë ata. Unë mendoj se edhe vetë prokurori Abazi ka firmën (nënshkrimin) nga një prej prokurorëve i cili ka vendosur që Kreshnik Bekteshit t’i zgjatet paraburgimi edhe për 30 ditë. Jam i sigurtë për këtë”, tha Limani, në emisionin “Dialog te Lajmi” që transmetohet sonte ora 18:30.
