Gjykata themelore penale Shkup e shpalli fajtore ish-drejtoreshën e Agjencisë nacionale për programe arsimore evropiane dhe mobilitet për veprën penale keqpërdorim i pozitës zyrtare dhe autorizimit dhe e dënoi me dy vite burg.
Dimova duhet të paguajë paushall prej 10 mijë denarëve dhe t’i mbulojë shpenzimet gjyqësore, si dhe në afat prej gjashtë muajve t’ia kompensojë dëmin prej 22 725 220 denarë Agjenciaë nacionale.
Gjykatësja Fanka Jançuleva Mihaillovska, i liroi Dimovën për veprën “mashtrim”, si dhe të akuzuarën e tretë Ana Pavlidu për “punë të pandërgjegjshme në shërbim”.
Dimova gjatë viteve 2018, 2019 dhe 2020, si person përgjegjës – drejtoreshë e Agjencisë nacionale për programe arsimore evropiane dhe mobilitet me qëllim që dikush tjetër të përfitojë dobi pronësore të konsiderueshme e ka keqpërdorur pozitën e vet zyrtare dhe autorizimin në mënyrë që me moskryerje të detyrës së vet zyrtare, ka vepruar në kundërshtim të Ligjit për furnizime publike dhe me veprim joprofesional dhe të pandërgjegjshëm ka mundësuar dobi pronësore kundërligjore për persona të tretë.
“Në pjesën e mashtrimit në dëm të fondeve evropiane nuk është përshkruar mënyra në të cilën është kryer vepra dhe nuk është cekur qartë në cilën mënyrë dhe si janë shfrytëzuar të dhënat e rrejshme. Paelemente të këtilla mungon baza e veprës mashtrim dhe gjykata ishte parandaluar që të vlerësojë në mënyrë objektive nëse e akuzuara ka anashkaluar dhe ka dhënë informata të pavërteta dhe me atë u ka shkaktuar dëm fondeve të BE-së. Gjykata në atë pjesë ishte e obliguar të sjellë aktvendim lirues”, tha gjykatësja.
Përfaqësuese e aktakuzës është prokurorja Suzana Mirçeska Kuzmanovska.
Aktakuza kundër Dimovës është parashtruar në qershor të vitit 2022.
Sipas Prokurorisë, Dimova, në periudhën prej vitit 2018 deri në vitin 2022, si person përgjegjës – drejtoreshë e Agjencisë nacionale për programe arsimore evropiane dhe mobilitet, me qëllim që dikush tjetër të përfitojë dobi të konsiderueshme pronësore, e ka keqpërdorur pozitën e saj zyrtare dhe autorizimin dhe ka vepruar në kundërshtim me dispozitat e Ligjit për furnizime publike, Ligjin për themelim të Agjencisë nacionale për programe arsimore evropiane dhe mobilitet. Duke mos i repsektuar parimet e ligjshmërisë, barazisë dhe opinionit, pa shpallur konkurs publik, nuk ka vepruar në mënyrë të ndërgjegjshme, profesionale dhe të paanshme dhe i ka diskriminuar kandidatët potencial, duke u mundësuar autorizime disa personave të jashtëm me të cilët ka arritur marrëveshje individuale dhe i ka angazhuar si bashkëpunëtorë, ekspertë, trajnues etj.
