Studentët e ciklit të parë të studimeve kanë mundësinë të plotësojnë online formularin për regjistrimin e semestrit. Formulari është i disponueshëm në Portalin Kombëtar për e-shërbime www.uslugi.gov.mk. Me këtë mjet digjital, studentët dhe universitetet kursejnë kohë dhe shpenzime, ndërsa Instituti Shtetëror i Statistikave merr të dhëna të sakta dhe të përditësuara statistike nga fusha e arsimit të lartë.
“Ky shërbim është i destinuar për të gjithë studentët dhe institucionet e arsimit të lartë, me qëllim që të thjeshtësohet, përshpejtohet dhe digjitalizohet procesi i dorëzimit dhe përpunimit të të dhënave. Në vend të procedurave të gjata dhe dokumenteve në letër, tani formulari mund të plotësohet dhe dërgohet plotësisht online – shpejt, në mënyrë efikase dhe pa barriera administrative.”, – deklaroi ministri i Transformimit Digjital, Stefan Andonovski.
Në koordinim me Institutin Shtetëror të Statistikave, në periudhën e ardhshme planifikohet që të gjithë shërbimet e lidhura me studimin të integrohen dhe të jenë të disponueshme përmes Portalit Kombëtar për e-shërbime.
“Çdo student mund ta plotësojë formularin në mënyrë të shpejtë, të thjeshtë dhe të lehtë, pas së cilës do të marrë një konfirmim për plotësimin e suksesshëm të formularit, i cili më pas elektronikisht duhet të dorëzohet tek Departamenti i Çështjeve Studentore. Në këtë mënyrë sigurohet një plotësim më i thjeshtë i formularëve statistikore, rritje e efikasitetit të proceseve statistikore dhe prodhim i të dhënave statistikore të cilësisë së lartë në kohë, me kosto më të ulëta si për studentët, ashtu edhe për Statistikat.”, – theksoi drejtori i Institutit Shtetëror të Statistikave, Dejan Stankov.
Kjo iniciativë është pjesë e strategjisë më të gjerë të Qeverisë për digjitalizimin e plotë të shërbimeve publike, duke mundësuar një sektor publik më të shpejtë, më transparent dhe më të aksesueshëm për të gjithë qytetarët.
