Gjatë mbrëmjes së djeshme, ekipet e NP Higjiena Komunale – Shkup larguan
dy deponi të egra të gjera në komunën Çair të Shkupit. Aktivitetet u
zhvilluan në rrugën Xhon Kenedi, në afërsi të SHFK „Vasill Gllavinov”,
si dhe në rrugën Llazar Tërpovski. Në kuadër të aksionit janë ngritur
dhe transportuar gjithsej 40 metra kub kryesisht mbetje të vëllimshme
dhe mbetje të përziera komunale të hedhura në sipërfaqet publike dhe të
trafikut.
Gjatë vitit 2024, NP Higjiena Komunale – Shkup në këtë komunë të Shkupit
largoi gjithsej 2970 metra kub mbetje nga deponitë e egra, që është
sasia më e madhe në krahasim me të gjitha komunat tjera të Shkupit.
Vetëm gjatë muajit janar të vitit 2025 janë ngritur dhe transportuar 205
metra kub mbetje nga deponitë e egra në komunën e Çairit.
