Largohen 45 metra kub mbeturina në Kisella Vodë, Qendër dhe Çair

Ekipet e NP Higjiena Komunale – Shkup, gjatë ditës së djeshme ngritën
dhe transportuan 45 metra kub mbetje të hedhura në mënyrë të paligjshme
nga paketimi i kartonit në komunat Kisella Vodë, Qendër dhe Çair të
Shkupit.
Në komunën Kisella Vodë është intervenuar në rrugët Frederik Shopen,
Dimo Haxhi Dimov dhe Tome Arsovski, ku janë ngritur gjithsej 20 metra
kub mbetje nga paketimi i kartonit të hedhura në sipërfaqet publike.
Në komunën Çair janë larguar 10 metra kub mbetje e hedhur në mënyrë të
paligjshme në rrugën Cvetan Dimov, ndërsa në komunën Qendër është
intervenuar në disa lokacione përgjatë bulevardit Aradhat Partizane, ku
janë pastruar gjithsej 15 metra kub mbetje kartoni e hedhur në
sipërfaqen me bar dhe të trafikut.