Emisari i BE-së për dialogun Kosovë – Serbi, Miroslav Lajçak, pohoi se vazhdon përpjekja e Bashkimit Evropian për normalizim të marrëdhënieve Kosovë Serbi.
Ai pas një aktiviteti përkujtimor në Vjenë kushtuar 30 vjetorit të Komisionerit të Lartë të OSBE-së për Pakicat Kombëtare, tha se atje foli për vizitat që këtë javë zhvilloi në Kosovë dhe Serbi për siç potencoi ai gjetjen e një zgjidhjeje për situatën e tensionuar në veri të Kosovës.
“Fokusi kryesor ishin takimet e mia me Presidenten Vjosa Osmani dhe kryeministrin Albin Kurti në Kosovë, si dhe presidentin Aleksandër Vuçiq në Serbi për të shqyrtuar opsionet për rrugën përpara në përputhje me kërkesat për deeskalim, zgjedhje të reja lokale me pjesëmarrjen e serbëve të Kosovës dhe kthim në Dialog. I vlerësova shkëmbimet tona të thelluara për hapa konkretë.’, shkroi Lajçak në Facebook.
Ai më tej shtoi se është nevojë urgjente të shtensionohet situata në Kosovë.
“Në Kosovë takova edhe shefin e ri të Misioni i BE-së për Sundimin e Ligjit në Kosovë gjeneralmajor Barbano dhe komandanti i KFOR-it gjeneralmajor Ristuccia. Ne diskutuam situatën e sigurisë në Kosovë, nevojën urgjente që të gjitha palët të ndërmarrin hapa konkretë për de-përshkallëzimin dhe kemi shqyrtuar opsionet për kontributin e organizatave tona. Udhëtimi më ndihmoi të kuptoja më mirë situatën në terren dhe hapat e mëtejshëm të nevojshëm. Vazhdon përpjekja jonë për t’u kthyer në rrugën e normalizimit të marrëdhënieve ndërmjet Kosovës dhe Serbisë.”, përfundoi Lajçak.
https://www.facebook.com/LajcakMiroslav/posts/708569197759031?ref=embed_post
