Moti sot do të jetë me vranësira të ndryshueshme me reshje lokale dhe bubullima. Proceset do të jenë më intensive në formën e stuhive me shira të rrëmbyeshëm për një kohë të shkurtër (mbi 15l/m2), erëra të forta (mbi 60km/orë) dhe breshër të izoluar.
Temperatura minimale do të jetë në intervalin prej 13 deri në 20 gradë, ndërsa maksimale do të arrijë nga 25 deri në 32 gradë, shkruan Alsat.
Në Shkup, moti do të jetë I ngjashëm me vranësira të ndryshueshme dhe reshje të rrëmbyeshëm dhe bubullima. Në një pjesë të luginës do të ketë reshje të rrëmbyeshme, erëra të forta dhe breshër të izoluar. Temperatura minimale do të ulet në 19, ndërsa ajo maksimale do të arrijë 30 gradë.
