Puna e Kuvendit dhe deputetëve vazhdon në format e tjera të zakonshme, përfshirë koordinimin mes deputetëve dhe grupeve parlamentare, angazhimin në përgatitjen dhe rishikimin e propozimeve ligjore, si dhe takime në nivele të ndryshme. Janë anuluar seancat plenare, komisionet dhe disa ngjarje të tjera që kërkojnë prezencë mediatike., sqarojnë nga Kabineti i kryetarit të Kuvendit të RMV-së.
Sqarimi vjen pas reagimeve në opinion pas ngjarjes tragjike në Koçan, me ç’rast humbën ketën 59 të rinj, ndërsa janë lënduar mbi 200. Kuvendi i anuloi aktivitetet e veta për dy javë.
“Në lidhje me reagimet për vendimin e fundit për shtyerjen e aktiviteteve të Kuvendit gjatë javës së kaluar dhe kësaj jave, dëshirojmë të sqarojmë se Kuvendi i Maqedonisë së Veriut dhe deputetët kanë punuar dhe vazhdojnë të punojnë. Ajo që është anuluar janë seancat plenare, komisionet, dhe disa ngjarje të tjera që kërkojnë prezencë mediatike. Ky vendim u mor në mënyrë konsensuale me të gjithë koordinatorët e grupeve parlamentare, në mbledhjen koordinuese, si shenjë solidariteti pas tragjedisë në Koçan dhe për të shprehur respektin për viktimat”, thuhet në kumtesën e sotme të Kuvendit.
Megjithatë, puna e Kuvendit dhe deputetëve vazhdon në format e tjera të zakonshme, përfshirë koordinimin mes deputetëve dhe grupeve parlamentare, angazhimin në përgatitjen dhe rishikimin e propozimeve ligjore, si dhe takime në nivele të ndryshme.
Deputetët, theksojnë nga Kuvendit, janë aktivë dhe të përkushtuar në proceset legjislative. Çdo artikulim që supozon se ata po bëjnë pushim, është një akuzë e pavend që përfaqëson tendecnë për të manipuluar opinionin dhe për të dëmtuar reputacionin e Kuvendit dhe përfaqësuesve të popullit.
