Kryetari i Kuvendit, Afrim Gashi, ka njoftuar se Kuvendi i Republikës së Maqedonisë së Veriut ka larguar gardhet rrethues.
“Një pamje e re e dhe më e bukur e Kuvendit Kuvendi i Republikës së Maqedonisë së Veriut ka larguar gardhet rrethues, një hap domethënës, që pasqyron angazhimin tonë për një Kuvend të hapur dhe të qasshëm në çdo aspekt. Besoj fuqishëm në forcën e bashkëpunimit, dialogut dhe transparencës si themel për ndërtimin e një shoqërie më të drejtë, më të barabartë dhe më inkluzive. Kuvendi është dhe do të mbetet një hapësirë e hapur, ku çdo qytetar ka të drejtë të dëgjohet dhe të kontribuojë. Prandaj, ky është një moment i veçantë në forcimin e lidhjes mes institucioneve dhe qytetarëve. Jemi të hapur për të dëgjuar, dhe për të ndërtuar së bashku të ardhmen tonë”, ka shkruar Gashi.
