Kryeministri i Kosovës, Albin Kurti, ka reaguar pas aksionit të Policisë së Kosovës në Zveçan, ku u zbulua një sasi e madhe e armatimit.
Kurti e ka quajtur aksionin e Policisë së Kosovës një tjetër fitore në sundimin e ligjit dhe sigurisë në vend.
“Një tjetër fitore në sundimin e ligjit dhe sigurisë në Kosovë. Sot, Policia e Kosovës në prani të KFOR-it bastisi një depo armësh në Zveçan, të përdorur për të kontrabanduar armë në Kosovë për t’ua shpërndarë bandave të dhunshme në veri. U konfiskuan armë të shkallës ushtarake si pushkë automatike, granata dore e eksplozivë”, ka shkruar Kurti./KosovaPress
