E mërkura do të sjell ndeshjet e kthimit të fazës gjysmëfinale në Kupën e Maqedonisë së Veriut. Struga do të pret Shkëndijën në shtëpi në duelin e dytë ndërmjet veti, teksa struganët janë në avantazh nga ajo fitore 2:1 në ndeshjen e parë të luajtur në Tetovë. Kjo ndeshje pritet të jetë shumë e luftuar nga të dyja palët, me dy skuadrat shqiptare që kërkojnë të kualifikohen në finale e madhe. Shkëndija është në rrugën e duhur për të siguruar titullin, përderisa Struga kërkon që përmes Kupës të sigurojë dalje në Europë këtë vit.
Ndeshja Struga – Shkëndija do të zhvillohet nesër në stadiumin e qytetit të Strugës, duke nisur nga ora 16:00.
Ndërkohë në të njejtin termin do të luhet edhe gjysmëfinalja tjetër ndërmjet Brerës dhe Vardarit, ku këta të fundit në ndeshjen e parë kanë triumfuar bindshëm me rezultat 3:0.
