Procedurë për mbledhjen e nënshkrimeve për kryetarë të komunave deri dje (28 gusht) kanë filluar gjithsej 13 kandidatë të pavarur.
Nga një kandidat në Makedonska Kamenicë, Kumanovë, Ohër, Debarcë, Dibër, Demir Kapi, Makedonski Brod, Koçan, Manastir, Mogillë, Novaci, Demir Hisar dhe një kandidat për Qytetin e Shkupit. Të gjithë kandidatët kanë paraqitur kandidaturat e tyre përveç në Kumanovë, ku procedura për mbledhjen e nënshkrimeve është ende në vijim, informuan për MIA-n nga Komisioni shtetëror i zgjedhjeve.
Në pesë komuna po mblidhen nënshkrime për këshillat komunale: Dibër, Koçani, Çeshinovë Obleshevë, Manastir dhe Mogillë. Në Manastir procedura për mbledhjen e nënshkrimeve për këshilltarë është në vijim, ndërsa në komunat tjera, listat me nënshkrimet e mbledhura janë ngritur.
Nga KSHZ-ja theksojnë se deri më tani nuk ka ndonjë ndryshim të rëndësishëm midis komunave për sa i përket interesit në mbledhjen e nënshkrimeve. Gjithashtu, deri më tani nuk ka informacion në lidhje me ndonjë problem me procedurën e mbledhjes së nënshkrimeve në ndonjë departament rajonal të KSHZ-së, theksojnë nga Komisioni.
