Kryqi i Kuq mblodhi 54 milionë denarë për të prekurit e tragjedisë në Koçan

Në Kryqin e Kuq janë grumbulluar mbi 54 milionë denarë për familjet që kanë pësuar nga zjarri në Koçan. Shpërndarja e të hollave sipas sekretarit të përgjithshëm të Kryqit të Kuq , do të filloj më së voni të mërkurën dhe shuma fillestare për çdo familje do të jetë nga 150 000 denarë.

Sait Saiti, sekretar i përgjithshëm i Kryqit të Kuq

“Shuma që është grumbulluar deri tash nga aktivitete tona për mobilizimin e fondeve është 54.029.929 milion denarë. Ajo që na pret neve këto ditë është përgatitja intensive që i bënë organizata e Kryqit të Kuq për transferimin e sasisë së parave të familjeve të cilët janë të pësuara nga kjo katastrofë”.

Vonesa e shpërndarjes së të hollave për familjet, siç thotë Saiti, ka të bëjë me faktin se nga çdo familje kërkohen të dhëna personale, numri i xhirollogarisë dhe deklaratë e plotësuar me shkrim që lejon përdorimin e të dhënave të tyre. Por, kjo sipas tij bëhet për të respektuar ligjin.

Sait Saiti, sekretar i përgjithshëm i Kryqit të Kuq

“Transferimi i të hollave do të filloj sot jo, por nesër apo pasnesër më së voni. Ka të bëjë me grumbullimin e të dhënave personale të familjeve të dëmtuara. Numrat e parë që vijnë të dhënat personale, do të fillojmë me transferimin e të hollave. Është një procedurë pak më e ngadalësuar, por është procedurë e sanksionuar me ligj”.

Ekipet e Kryqit të Kuq në bashkëpunim me Ministrinë e Arsimit 60 ditët e ardhshme do të ofrojnë ndihmë psiko-sociale shkollave të komunës së Koçanit dhe Shtipit.