Kryeparlamentari Gashi ne takim me Ambasadorin e Hungarisë, Andras Klein

Kryetari i Kuvendit të Republikës së Maqedonisë së Veriut, Afrim Gashi, u takua sot në Kuvend me Ambasadorin e Hungarisë, Andras. Në takim, Kryetari Gashi shprehu mirënjohje ndaj Hungarisë mike për mbështetjen e vendit tonë në rrugën e tij drejt Bashkimit Evropian, duke veçuar ndihmën financiare të qeverisë hungareze, e cila po investohet në përmirësimin e infrastrukturës dhe avancimin e projekteve kapitale .
Ambasadori Klein falënderoi për takimin dhe i dorëzoi Kryetarit Gashi ftesë nga Kryetari i Asamblesë Kombëtare të Hungarisë, Lalo Kover për Konferencën e kryetarëve të Vendeve të Evropës Juglindore që do të mbahet në Budapest në nëntor.
Kryetari Gashi falënderoi për ftesën dhe e veçoi Konferencën si një mundësi për takime dhe shkëmbime pikëpamjesh me homologun e tij hungarez dhe homologët nga Evropa Juglindore, si forum në favor të zhvillimit të bashkëpunimit shumëpalësh dhe dypalësh, si dhe të përparimit në procesin e integrimit në Bashkimin Evropian për vendet kandidate.
Kryetari Gashi dhe ambasadori Klein shkëmbyen mendime edhe mbi temat aktuale, siç janë zgjedhjet e ardhshme lokale, ngjarjet dhe iniciativat rajonale, si dhe ngjarjet gjeopolitike në Evropë dhe në botë.
Bashkëbiseduesit u zotuan të intensifikojnë kontaktet dhe bashkëpunimin në nivel parlamentar në të gjitha nivelet.