Shteti kroat ka vendosur që të bllokoj dhe asgjësoj një ngarkesë me pastë fëstëku, të ardhur nga Shqipëria, pasi zbuluan një nivel të lartë të një toksine të rrezikshme.
Bazuar në njoftimin zyrtar të RASFF, ngarkesa u ndalua në kufi qe më 8 shtator, pasi analizat laboratorike konfirmuan tejkalim të ndjeshëm të normave të lejuara të aflatoksinës, sipas standardeve të BE-së.
Për pasojë, e gjithë ngarkesa është asgjësuar, ndërsa shtetet e tjera anëtare të BE-së janë njoftuar për të ndërmarrë masa parandaluese, në rast se produkti është shpërndarë edhe në territoret e tyre.
Ndryshe ky është rasti i dytë brenda pak javësh që një produkt shqiptar ndalohet në kufijtë e BE-së për shkelje të sigurisë ushqimore, duke ngritur shqetësime serioze mbi efektivitetin e kontrollit cilësor dhe sistemeve të certifikimit në Shqipëri.
