Një 37 vjeçar është arrestuar nga policia kroate në Dubrovnik, nën dyshimin për tentim vrasje.
Siç raportojnë mediat kroate, i dyshuari, nga korriku i vitit të kaluar e deri në këtë muaj (Maj 2025) e kishte përndjekur një 26-vjeçare nga Bosnja dhe Hercegovina, e cila banon përkohësisht në Kroaci.
Ai i ishte paraqitur asaj vazhdimisht në vendin e punës, me synimin për të krijuar një marrëdhënie romantike, pavarësisht refuzimit të saj, transmeton Klankosova.tv.
Por, ngjarja eskaloi natën e 13 majit në Dubrovnik, kur shqiptari e kishte sulmuar edhe një person tjetër (mikun e vajzës), gjithashtu nga Bosnja.
“Ai fillimisht e grushtoi në kokë e më pas, duke kërcënuar se do ta vriste, u përpoq ta therte në qafë. I dyshuari u ndalua nga një punonjës i restorantit”, thuhet në artikullin e gazetës Index.Hr, transmeton Periskopi.
Gjatë përpjekjeve për ta ndalur, dy persona të tjerë u lënduan nga sulmi i të dyshuarit.
I arrestuari është vendosur në paraburgim ndërsa hetimet për rastin vazhdojnë.
