Shumica parlamentare për momentin nuk e din numrin e saktë të deputetëve të cilët i ka në dispozicion për të realizuar ndryshimet Kushtetuese për futjen e bullgarëve në Kushtetutë. Kryeministri Dimitar Kovaçevski disa herë iu shmang pyetjes se sa deputetë i mungojnë për ndryshimet Kushtetuese. Por ai tha se ndryshimet Kushtetuese janë të domosdoshme që vendi të integrohet në Bashkimin Evropian, të arrijë standard ekonomik më të lartë dhe drejtësi për qytetarët.
“Në Bashkimin Evropian ka prosperitet ekonomik, sundim të së drejtës në nivel sipëror, ka drejtësi sociale në nivel të lartë dhe ka sundim të së drejtës po ashtu në nivel të lartë, këtë e duan qytetarët tonë, këtë e duam edhe ne. Me këtë proces ne sigurojmë proces në bashkimin Evropian”, deklaroi Dimitar Kovaçevski, kryeministër.
Në fjalën tuaj thoni se nga kushtet themelore dhe rregullat për të hyrë në Bashkimin Evropian janë sundimi i së drejtës dhe përgjegjësia, ashtu? Saktë? Ja po jua kujtoj: “Durmo Turs”, “Besa Trans”, Spitali Modular, tenderë nga 1.8 milion tjerë, “Soravia”, e të tjera. Por nuk ka përgjegjësi, njerëzit u dogjën të gjallë, njerëzit e humbën jetën në aksidente për shkak të papërgjegjësisë, deri më tani nuk ka përgjegjësi. A do të na pranojnë në Bashkimin Evropian me nivel të këtillë të gjyqësorit dhe sundimit të së drejtës?
“Ju e thatë fjalën kyçe, unë ditën kur erdha si kryetar i Qeverisë thashë se unë si kryeministër nuk do të përzihem asnjëherë në gjykatë dhe prokurori. Dhe nëse pyesni sot për këtë të gjithë do ua konfirmojnë. Pyetjen për të gjitha procedurat e hapura për rastet që i theksuar mund ta fitoni atje ku zbatohen procedurat”, u përgjigj Kovaçevski.
Dy herë ndodh në historinë e vendit këto 7-8 vite që të kërkoni shumicë për ndryshime kushtetuese, pse nuk kërkoni shumicë që të ndryshoni këtë sistem gjyqësor, është pushtet i pavarur por buron nga diku tjetër?
“Mefo është pyetje legjitime, është pyetje legjitime…”.
Kovaçevski tha se pushteti tre herë ka bërë ndryshimin e këtij sistemi i cili ndodhet në nivelin aktual dhe shtoi se do të kërkojë nga deputetët që të kërkojnë llogari nga Gjykatësit dhe Prokurorët në Kuvend, siç kërkojnë për funksionarët e Qeverisë./Alsat.mk
