Sot shënohet 22 vjetori i nënshkrimit të Marrëveshjes së Ohrit, marrëveshje e cila solli paqe dhe mundësoi zhvillim të kohezionit shoqëror dhe konceptit europian të bashkimit të diversitetit, shkroi kryeministri Dimitar Kovaçevski, në profilin e tij të Facdebook-ut.
“Maqedonia e Veriut është shembull i një demokracie funksionale dhe të qëndrueshme multietnike që praktikon vlerat evropiane. Ne jemi një shoqëri që garanton të drejta dhe obligime të barabarta për të gjitha bashkësitë etnike, për të gjithë maqedonasit, shqiptarët, turqit, serbët, vllehët, romët, boshnjakët dhe të gjitha komunitetet e tjera që këtë vend e konsiderojnë shtëpinë e tyre. Shtëpi të cilën ne do të vazhdojmë ta ndërtojmë në frymën e kujdesit dhe angazhimit të ndërsjellë. Atdheu ynë është Evropa në miniaturë dhe respekti për diversitetin është përparësia jonë, për të cilën jemi veçanërisht krenarë.”- deklaroi Dimitar Kovaçevski, kryeministër.
