Lajme të mira pritet të vijnë për Kosovën. UEFA duket se ka ndryshuar qendrim në lidhje me pjesëmarrjen e Bjellorusisë në kompeticionet e zhvilluara prej saj. Organizimi më i lartë i futbollit europian refuzoi më herët kërkesën e Ministrit të Brendshëm të Gjermanisë për përjashtimin e Kombëtares bjelloruse nga turnetë europiane, por tashmë ka vendosur të ndryshojë qendrim.
Gazetari polak, Piotr Wolosik, njofton se Komiteti Ekzekutiv i UEFA-s do të përjashtojë Bjellorusinë nga kualifikueset për Euro 2024. Një lajm i tillë përkthehet në 6 pikë të fituara në tavolinë nga Kosova, e cila gjendet në të njëjtin grup me Bjellorusët./Sport Ekspres
