Maqedonia e Veriut është zotuar të ndryshojë Kushtetutën. Ne presim që zgjedhjet lokale të mbahen së shpejti. Ndoshta nuk do të jenë më herët, por presim që të ndodhë sa më shpejt të jetë e mundur, tha Marta Kos, Komisionerja Evropiane për Zgjerimin, në një intervistë me “Radion Evropa e Lirë”.
E pyetur se Qeveria e Maqedonisë së Veriut thotë se nuk do t’i miratojë ndryshimet kushtetuese pa garanci nga Bullgaria. Duke pasur parasysh përfshirjen tuaj personale në çështjen dypalëshe, a ka ndonjë zhvillim të kohëve të fundit dhe cilat janë rreziqet e një ngërçi të zgjatur për vendin?, Kos tha se Maqedonia e Veriut është zotuar të ndryshojë Kushtetutën.
“Maqedonia e Veriut është zotuar të ndryshojë Kushtetutën. Ne presim që zgjedhjet lokale të mbahen së shpejti. Ndoshta nuk do të jenë më herët, por presim që të ndodhë sa më shpejt të jetë e mundur.
Dhe po, ju përmendni çështjet dypalëshe që kemi në procesin e pranimit. Ne duhet të bëjmë gjithçka që këto çështje dypalëshe të mos ndikojnë në procesin e pranimit të vendeve kandidate, por kjo ndodh vazhdimisht. Dhe kjo do të thotë një pjesëmarrje e madhe nga ne, nga Komisioni Evropian, por edhe nga shtetet anëtare. Dhe ka shumë vende të tjera, jo vetëm Komisioni Evropian, që tani po flasin me Bullgarinë, dhe jo me Maqedoninë”, tha Kos.
