Me propozim të kryetarit të Komunës së Gostivarit, Valbon Limani, kjo komunë sot ka njoftuar se ka miratuar një ndihmë financiare prej 1.000.000 denarësh për familjet e viktimave dhe të lënduarve në tragjedinë e Koçanit.
Vendimi u mor gjatë një seance të jashtëzakonshme të Këshillit Komunal, e cila filloi me një minutë heshtje për të nderuar 59 jetët e humbura në zjarrin tragjik të 16 marsit.
Kryetari Limani theksoi se në ngjarje të tilla të rënda duhet të jemi të bashkuar, përcjell TV21.
