Anëtari i Lëvizjes Demokratike, Besim Koka, ka reaguar ndaj kërkesës së Bujar Osmanit për zgjedhje të parakohshme parlamentare, duke e cilësuar atë si shenjë dobësie. Në një status në Facebook, Koka thekson se është e papranueshme që një parti që ka qeverisur për mbi 20 vite të kërkojë zgjedhje të jashtëzakonshme vetëm 10 muaj pasi ka kaluar në opozitë.
Ai i bën thirrje opozitës të ndërgjegjësohet, të reformohet duke larguar nga radhët e saj individët e përfolur për korrupsion dhe të mbajë përgjegjësi për padrejtësitë e kryera, përfshirë burgosjen e padrejtë të Agim Islamit dhe lirimin e Sasho Mihajllkovit.
Koka shton se vetëm përmes një qasjeje të ndershme opozita mund të fitojë besimin e qytetarëve në zgjedhjet e vitit 2028.
