Jose Mourinhos raportohet se i janë ofruar më shumë se 100 milionë euro për trajnerin e Arabisë Saudite, në një marrëveshje dyvjeçare që do ta bënte atë trajnerin më të paguar ndonjëherë.
Klubi i Cristiano Ronaldos, Al-Nassr gjithashtu thuhet se është i interesuar për Mourinhon, me menaxherin aktual Rudi Garcia që ka të ngjarë të largohet në fund të sezonit.
Portugezi 60-vjeç iu bashkua Romës në vitin 2021 dhe kontrata e tij aktuale me gjigantët e Serisë A është valide deri në vitin 2024.
Megjithatë, ka pasur mosmarrëveshje për transferimet dhe zhgënjimet në paraqitjet e Romës këtë sezon.
Me të ardhmen e tij ende në ajër në klubin italian, Mourinho tani është kontaktuar drejtpërdrejt nga “drejtuesit e lartë” për të menaxhuar ekipin kombëtar të Arabisë Saudite.
Sipas Corriere dello Sport, marrëveshja përfshin 60 milionë euro çdo vit dhe dy opsione për Mourinhon. Ai do të jetë në gjendje të prishë kontratën në fund të sezonit të parë ose ta zgjasë atë deri në vitin 2026 – viti i Kupës së Botës të Amerikës së Veriut.
Shtypi italian raportoi gjithashtu se Mourinho mund të ndiqte Ronaldon, i cili ka bërë përshtypje që kur u transferua në Arabinë Saudite në janar, te Al-Nassr.
