Të martën është dërguar në shtëpinë e Big Brother VIP Albania një dron për konkurrentin Luiz Ejlli.
Ndonëse askujt nuk do t’i shkonte në mendje, por droni në fjalë është dërguar nga modelja Kejvina Kthella – e njohur si banorja e përjashtuar nga BBVA.
Në dron mund të shihej një imazh i Kejvinës dhe Luizit të realizuar brenda shtëpisë, ku shiheshin duke biseduar me njëri-tjetrin.
Foto: Dorisa Kthella/InstaStory
“Unë të dua…dhe ti e di”, ishte shkruar në mbishkrimin e kësaj fotografie në italisht, e cila është fluturuar për në BBVA nga një dron.
E se droni është dërguar nga Kejvina, këtë e ka konfirmuar motra e modeles, Dorisa Kthella, e cila ka publikuar disa imazhe në InstaStory.
Por aktorja Olta Gixhari ngriti dyshimet e saj për dhuratën në fjalë, duke i thënë Luizit: “Nuk ta ka dërguar Kejvina atë, harroje. Ti atë e nxore nga shtëpia, të të sjellë ajo dron. Mos u bëj naiv, Luiz. Nuk është i Kejvinës ai dron, nuk ma merr mendja. Ti e nxore jashtë”.
Kujtojmë që Kejvina ishte përjashtuar nga Big Brother VIP Albania, për shkak se në një nga mbrëmjet e spektaklit, gjatë një debati të nxehur me Luizin, ajo kishte ushtruar dhunë fizike mbi të.
