Përgatitjet për festën e Vitit të Ri kërkojnë disa javë kohë, në mënyrë që gjithçka të jetë në rregull dhe festa të shijohet në ditët e fundit të vitit.
Rekomandohet që planifikimet të mos i lini për momentet e fundit, pasi kjo mund të shkaktojë stres dhe ndjesi të pakëndshme. Planifikoni dhe përgatituni më herët, qoftë për ushqime apo dhurata, që darka e fundit e vitit të jetë siç keni dëshirë.
Gjithashtu është e rekomandueshme që të mos harxhoni shumë para. Festat zakonisht janë periudhë kur shpenzimet rriten, por kjo s’nënkupton që të ketë blerje jashtë nevojës. Ndani një buxhet të caktuar dhe përpiquni ta zbatoni, në mënyrë që harxhimet të jenë me plan, rekomandon roboti virtual ChatGPT, duke cituar uebsajtin “Psychology Today”.
Në prag të festave dhe pas tyre, shëndeti rrezikohet pasi ushqimet e shumta dhe pijet alkoolike ulin imunitetin. Kujdesuni për shëndetin tuaj, duke mos harruar aktivitetin fizik që të jenë në formë.
Mundohuni që festat e fundvitit t’i kaloni me të afërm dhe familjarë. Shmangni vetminë pasi mund t’iu bëjë të ndiheni keq dhe jorehat. Festat përjetohen me njerëzit më të dashur.
