Kasami: Tetova është gati për Kapitullin e Dytë – Teleferik, tunel për Prizren dhe investitorë në Kodrën e Diellit

Në tubimin përmbyllës të fushatës elektorale, kandidati për kryetar të komunës së Tetovës dhe njëherësh kreu aktual, Bilall Kasami, prezantoi një vizion ambicioz për katërvjeçarin e ardhshëm të qeverisjes lokale.
Kasami theksoi se Tetova është gati për “Kapitullin e Dytë”, një etapë e re zhvillimore që do të përfshijë projekte madhore si ndërtimi i teleferikut, tuneli Tetovë-Prizren si dhe zhvillimi i Kodrës së Diellit me investitorë strategjikë.
“Fituam sepse Tetova është gati për Kapitullin e Dytë: Tetova me teleferik, me rrugë dhe tunel drejt Prizrenit, me investitor gjigant në Kodrën e Diellit,” tha Kasami përballë një numri të madh qytetarësh.
Kjo pjesë e fjalimit u prit me entuziazëm nga të pranishmit, ndërsa Kasami siguroi se këto projekte nuk janë thjesht premtime elektorale, por pjesë e një plani të detajuar zhvillimor me mbështetje konkrete institucionale.