Në hapjen e shtabit zgjedhor të VLEN-it në Gostivar dhe promovimit të kandidaturë së Sebaedin Dautit për kryetar të Gostivarit, kryetari i Lëvizjes BESA, Bilall Kasami, deklaroi se Sebaedin Dauti, është garancia që qyteti do të udhëhiqet me drejtësi, barazi dhe vizion të qartë për zhvillimin.
Kasami theksoi se Gostivari ka kaluar shumë sfida dhe padrejtësi, por qytetarët kurrë nuk janë dorëzuar. Sipas tij, me Sebaedin Dautin dhe VLEN-in do të fillojë një kapitull i ri, ku interesi i qytetarëve dhe drejtësia vihet mbi gjithçka.
“Gostivari do të bëhet shembull i barazisë, ndershmërisë dhe zhvillimit. Qytetarët treguan se janë të vendosur ta mbështesin ndryshimin që sjell vlera dhe dinjitet për secilin”, shkruan Kasami.
