Kryetari i komunës së Tetovës dhe njëri nga liderët e koalicionit VLEN, Bilall Kasami, në një intervistë për Zërin e Amerikës ka kritikuar ashpër Bashkimin Demokratik për Integrim BDI për dështimin e saj në avancimin e të drejtave të shqiptarëve gjatë 20 viteve në pushtet.
Ai tha se BDI dhe partnerët e saj nuk e realizuan këtë mision, duke u fokusuar më shumë në interesat e tyre dhe të afërmve të tyre, disa prej të cilëve ndodhen në listën e zezë të SHBA-së.
Sipas Kasamit, koalicioni VLEN tashmë ka ndërmarrë hapa konkretë për përmirësimin e pozitës së shqiptarëve në Maqedoninë e Veriut dhe se kjo çështje më në fund është në duar të sigurta.
“Një parti që për 20 vite ka qenë në qeveri dhe nuk lëvizi para çështjen shqiptare sigurisht që nuk ka të drejtë ta parti që sapo kanë ardhur në qeveri dhe po bëjnë shumë veprime të cilat po e përmirësojnë atë që BDI me partnerët e saj nuk e realizoi për 20 vite. Tanimë ata nga ajo periudhë 20 vjeçare e qeverisjes së tyre më shumë e kanë hallin e tyre dhe të njerëzve të tyre të cilët janë në listë të zezë të Amerikës sesa fatin e shqiptarëve, sepse kanë pasur kohë 20 vite për të sistematizuar të drejtat e shqiptarëve në kushtetutë dhe në ligje dhe atë nuk e bënë sepse për 20 vite punuan që të pasurohen, punuan që familjarët e tyre ti bëjnë milionerë e kështu me radhë. Prandaj ne vlerësojmë që të drejtat e shqiptarëve tanimë janë në duar të sigurta dhe çështja shqiptare në Maqedoninë e Veriut do ecë përpara”, ka deklaruar Kasami.
https://www.facebook.com/share/v/18avcwQYed/
