Kryetari i Komunës së Tetovës, Bilall Kasami, sonte ka qëndruar në lagjen Drenovec, ku ka zhvilluar një takim të ngrohtë me banorët.
Gjatë bisedës, ai ka informuar se punimet për ndërtimin e stadiumit po ecin sipas planit, ndërsa së shpejti do të përfundojë edhe segmenti i fundit i bulevardit “Blagoja Toska”,i cili lidhet drejtpërdrejt me këtë lagje. Kasami tha se tashmë janë zgjidhur përfundimisht problemet pronësore dhe juridike që kishin vonuar projektin.
“Çdo ditë e më shumë, Tetova po ndryshon për të mirë. Në tetor kemi mundësinë ta vazhdojmë këtë rrugë bashkë, për t’i dhënë hov zhvillimit”, theksoi Kasami.
