Kasami: Në skenën shqiptare kemi dy subjekte politike VLEN dhe BDI dhe parti të tjera që sillen përreth këtyre dy subjekteve

Kryetari i Komunës së Tetovës, Bilall Kasami, në intervistë për Click Plus tha se në skenën politike shqiptare ka dy subjekte politike VLEN dhe BDI, dhe parti të tjera që sillen rreth këtyre dy subjekteve politike.
“Aktualisht, numri i deputetëve shqiptarë në Qeveri është 14, në momentin që del ndokush hy ndokush tjetër. Në skenën politike shqiptare ka dy subjekte politike VLEN dhe BDI. VLEN është përfaqësues i shqiptarëve në qeveri dhe BDI në opozitë. Rreth BDI-së ka subjekte më të vogla që janë në opozitë, dhe rreth nesh VLEN-it sillen subjekte që janë pjesë e pushtetit”, tha Kasami.
Ai shtoi se kur flasim për numra edhe në anën e Frontit Evropian ka pasur rënie në numra.
“Formalisht Fronti Evropian nuk i ka 18 deputet, dhe gjatë kohës në vijim do të kenë edhe më pak se 14 deputetë”, përfundoi Kasami.