Pranvera këtë vit ka nisur ndryshe në Tetovë, jo vetëm me ngjyrat dhe gjallërinë e natyrës, por edhe me punë konkrete nga Komuna. Kryetari i komunës, Bilall Kasami, ka ndarë sot një nismë të re që ka për qëllim përmirësimin e infrastrukturës urbane në qytet.
“Filluam ndërrimin e pajisjeve urbane përballë Pallatit të Kulturës, ku ulëset e vjetra dhe të dëmtuara janë zëvendësuar me të reja,” tha Kasami. Ai shtoi se bashkë me to, po ndërrohen edhe disa nga koshat e mbeturinave për të kontribuar në një qytet më të pastër dhe më të rregullt.
Në deklaratën e tij, Kasami theksoi përkushtimin për një standard të ri qeverisës dhe gatishmërinë për të dhënë shembull me punë konkrete: “Nuk e kemi problem të përveshim krahët edhe vet për të punuar!”
Qytetarët kanë mirëpritur këtë nismë, ndërsa pritet që aksione të tilla të vijojnë gjatë gjithë sezonit pranveror në zona të tjera të Tetovës.
https://www.facebook.com/share/p/1E3eBPC7Jb/
