Kryetari i Komunës së Tetovës, Bilall Kasami, sot ka zhvilluar një takim me Forumin e Grave të VLEN-it në Tetovë. Në këtë takim u theksua roli vendimtar i grave në proceset politike dhe shoqërore, duke rikujtuar angazhimin e tyre të fuqishëm si në zgjedhjet e vitit 2021, kur u fitua Komuna e Tetovës, ashtu edhe në vitin 2024, kur u realizua ndryshimi politik.
Kasami u shpreh se gratë janë motor i zhvillimit dhe garantuese e proceseve të mëdha, ndërsa theksoi se përkushtimi dhe vizioni i tyre do të jenë përcaktues për fitoren e radhës në Tetor.
“Sonte u binda edhe një herë se ndryshimi dhe zhvillimi nuk ndodhin rastësisht, ato fillojnë me gratë dhe bëhen të mundura përmes forcës, përkushtimit dhe vizionit të tyre”, ka shkruar Kasami.
