Kryetari i Komunës së Tetovës, Bilall Kasami, sot përmes një njoftimi për media ka informuar se ka pasur takim me ambasadoren e Suedisë në Tetovë. Nga ku ka theksuar se Komuna e Tetovës dhe ambasada e Suedisë, janë seriozisht të interesuar për të forcuar bashkëpunimin në nivel lokal.
“Sot prita në takim ambasadoren e Suedisë në Shkup, znj. Ami Larson Jein dhe zëvendës ambasadoren, Elisabet Dalberg Frisk, ku diskutuam për tema të rëndësishme më nivel lokal. Komuna e Tetovës dhe ambasada e Suedisë, janë seriozisht të interesuar për të forcuar bashkëpunimin në nivel lokal, ndërmjet organizatave të ndryshme, shoqatave që të kenë mundësinë në realizimin e projekteve që janë në dobi të qytetarëve dhe qytetit tonë. Gjithashtu në takim diskutuam edhe mbi aktualitetin politik, reformat dhe sundimin e ligjit. Me ambasadoren u dakorduam që ky bashkëpunim të thellohet edhe në të ardhmen të kemi projekte konkrete, punë dhe përkushtim”, ka shkruar kryetari i Komunës së Tetovës, Bilall Kasami.
