Bilall Kasami, ka hedhur poshtë akuzat e opozitës për mungesë të punësimeve të shqiptarëve në shtet. Kasami kërkoi nga Bashkimi Demkratik për Integrim që të zgjedh vitin më të mirë të tyre dhe ta krahasojë me numrat e shqiptarëve të punësuar në mandatin e tanishëm.
Kasami akuzoi BDI-në se, për 20 vite në pushtet nuk janë marrë me hallet e shqiptarëve, dhe tani në mungesë të programit politik dhe kandidatëve të duhur, po bëjnë politikë ditore.
“Sikur ata ta kishin kryer punën për njëzet vite sa ishin në pushtet, shqiptarët do të ishin të përfaqësuar në bazë të përqindjes së tyre apo regjistrimit të fundit, sigurisht që sot nuk do ishte problem kjo çështje, andaj ata e dimë më mirë se çka kanë apo apo çka s`kanë bë për 20 vitre dhe sot dështimet e tyre mundohen t’ia mveshin kësaj qeverie. Le të zgjedhin vitin më të mirë kur ata kanë punësuar më shumë shqiptarë dhe do e krahasojmë me këtë vit se si janë përfaqësimet në institucionet e shtetit. Çdo ditë ne shohim informata në institucione të ndryshme ku punësohen dhjetëra e dhjetëra shqiptarë. BDI në dëshpërim për zgjedhjet lokale duke mos pasur kandidat për të kandiduar dhe duke mos pasur program apo ofertë, mundohet me shpifje dhe mashtrime të defokusoj opinionin”, tha Bilall Kasami. VLEN./ Alsat.mk
