Bilall Kasami Ditën e sotme e nisim me një lajm që sjell gëzim dhe shpresë për gjeneratat e reja – ndërtimin e dy shkollave të reja në Tetovë. Pas shumë vitesh pritjeje, më në fund Gjimnazi “7 Marsi” dhe Shkolla e Mesme Tekstile do të bëhen me objekte të reja, moderne dhe funksionale.
Ky projekt është më shumë se sa vetëm ndërtesa të reja. Ai është një investim i drejtpërdrejtë në arsim, dije dhe të ardhme. Me kushte të përmirësuara, me hapësira të përshtatshme për mësim, laboratorë dhe ambiente sportive, nxënësit tanë do të kenë mundësinë të zhvillohen në një mjedis që i motivon dhe i mbështet.
Ky hap tregon qartë se arsimimi i të rinjve është prioriteti ynë. Ne besojmë se çdo nxënës meriton kushte dinjitoze për të mësuar dhe për t’i realizuar ëndrrat e tij.
Investimi në arsim është investimi më i mençur, sepse është investim në të ardhmen e qytetit dhe të gjithë shoqërisë sonë.
