Është i nevojshëm një dialog në të cilin do të mbizotërojnë argumentet e arsyeshme. Në këtë periudhë nuk mund të udhëhiqemi nga pasionet apo frika për një çështje që nuk meriton të shkaktojë një furtunë të tillë në ndjenjat e njerëzve, tha sot akademiku Vlado Kambovski për ndryshimet kushtetuese, informon PRESSonline.al
Siç thotë ai, me iniciativën për përfshirjen e bullgarëve në Preambulën e Kushtetutës, ne po trokasim në një derë të hapur, sepse ata tashmë janë të përfshirë në Kushtetutë si komunitet.
“Në Preambulë ka një klauzolë që flet “edhe për popujt dhe komunitetet e tjera”. Në dispozitat e posaçme për të drejtat e pjesëtarëve të bashkësive ka barazi të plotë të të gjitha bashkësive, qofshin ato të njohura apo jo” – tha Kambovski, para konferencës me temë: “Përshpejtimi i procesit të anëtarësimit të Maqedonisë së Veriut në BE: Sfidat dhe prioritetet kryesore”.
Ai theksoi se është e rëndësishme që çështjet e ndjeshme të debatohen me argumente përmes një dialogu të arsyeshëm, pa kalkulime politike, pa manipulime dhe populizëm të panevojshëm.
