Klubi italian Juventusi i ka uruar suksese sulmuesit Edon Zhegrova përmes një postimi në rrjetin social “Facebook”.
Më e bukura ishte se në këtë postim, urimi i “Zonjës së Vjetër” ishte në gjuhën shqipe
“Fat të mbarë, Edon!. Me kombëtaren e Kosovës, lojtari më i ri i Bianconerëve do të merr pjesë në kualifikueset e Kupës së Botës”, shkruan gjiganti italian në “Facebook”.
Ende nuk dihet saktësisht nëse Zhegrova do të jetë titullar ndaj Sllovenisë, pasi ka sinjale se Franco Foda mund t’i qëndrojë besnik formacionit që i solli pikët e plota kundër Suedisë.
Kujtojmë, përballja mes Kosovës dhe Sllovenisë zhvillohet në “Fadil Vokrri” me fillim nga ora 20:45.
