Kryeministri kanadez Justin Trudeau tha se ai “luftoi për këtë vend” gjatë postit të tij të kryeministrit gati 10-vjeçar, pasi ai njoftoi dorëheqjen e tij si lider i partisë Liberale në pushtet.
“Çdo mëngjes që jam zgjuar si kryeministër, jam frymëzuar nga qëndrueshmëria, bujaria dhe vendosmëria e kanadezëve”, u tha ai gazetarëve të hënën. “Kam luftuar për këtë vend, për ty”, raporton CNN.
Trudeau renditi mbështetjen e administratës së tij për Ukrainën dhe politikën e tij gjatë pandemisë Covid-19, si ndër arritjet e tij më të mëdha që kur mori pushtetin në 2015.
“Ne u mblodhëm për të mbështetur njëri-tjetrin gjatë pandemisë … për të qëndruar të fortë me Ukrainën dhe demokracinë tonë, për të luftuar ndryshimet klimatike dhe për të përgatitur ekonominë tonë për të ardhmen,” shtoi ai. “Ne jemi në një moment kritik në botë”.
