Jasin Demiri, një nga bashkëpunëtorët më të afërt të kryetarit Arben Taravari dhe kryetarit të Gostivarit Valbon Limanit, ka njoftuar sot publikisht largimin nga Aleanca për Shqiptarët.
Përmes një deklarate të shpërndarë në rrjete sociale, Demiri shprehu falënderim për familjarët, miqtë dhe bashkëpunëtorët që e kanë mbështetur gjatë angazhimit të tij politik, por theksoi se nuk mund të qëndrojë më në një subjekt ku, sipas tij, “hahet haku, neglizhohet autoriteti dhe nuk respektohet meritokracia”.
“Një subjekt politik nuk ndërtohet vetëm mbi lidhje familjare, por mbi vlera, angazhim dhe drejtësi,”, shkruan ai, duke shtuar se “hakun herët a vonë do ta paguajë secili”.
Ky largim vjen në një periudhë të ndjeshme për Aleancën për Shqiptarët, duke ngritur pikëpyetje mbi zhvillimet e brendshme dhe raportet ndërmjet figurave të saj kyçe.
