Ilir Rushani do t’i prijë listës së këshilltarëve të Aleancës Kombëtare për Integrim, për Komunën e Kërçovës në Zgjedhjet lokale të Tetorit
Siç informojn nga Dega e BDI-së Kërçovë në mbledhjen e mbajtur mbrëmë është vendosur që listës së këshilltarëve të Aleancës Kombëtare për Integrim, për Komunën e Kërçovës t’i prijë juristi Ilir Rushani!
Biografia e Ilir Rushanit
Ilir Rushani është lindur më 18 janar 1983 në Kërçovë, është një profesionist i përkushtuar në fushën juridike dhe me një përvojë të pasur në shërbimin publik. Arsimin fillor e kreu në shkollën fillore “Rexhë Rushit Zajazi” në Zajaz, ndërsa arsimin e mesëm në gjimnazin e Kërçovës.
Në vitin 2002 nisi studimet në Fakultetin Juridik të Universitetit të Tetovës, të cilat i përfundoi me sukses në vitin 2006. Për të forcuar më tej rrugëtimin e tij profesional, në mars të vitit 2020 kreu me sukses edhe Provimin Profesional të Jurisprudencës.
Nga 3 janari 2008 deri më 31 gusht 2011 ka ushtruar detyrën e Sekretarit në Shkollën e Mesme Komunale “Mirko Mileski” në Kërçovë. Aktualisht është i angazhuar si Këshilltar për çështje juridike normative – Sekretar në Shkollën e Mesme Komunale “Drita” në Kërçovë, ku ka dëshmuar profesionalizëm, korrektësi dhe përkushtim ndaj punës./TV Uskana
