Izraeli i vendosi një ndalesë shtatëditore hyrjeje në Xhamisë Al-Aksa predikuesit të saj Sheikh Muhamed Salim, për shkak të predikimit të tij të së premtes mbi gjenocidin izraelit në Gaza.
Burime thanë për Anadolu se policia izraelite arrestoi Sheikh Muhamedin nga një prej portave të xhamisë dhe e mori në pyetje në një qendër policie në Kudsin Lindor të pushtuar. Më vonë ai u lirua.
Gjatë hytbes të së premtes, Sheikh Muhamed dënoi luftën izraelite në Gaza, e cila ka vrarë rreth 51.000 palestinezë dhe e ka bërë enklavën pothuajse të pabanueshme.
Një zyrtar nga Departamenti i Vakëfeve Islame, e cila mbikëqyr Xhaminë Al-Aksa, tha për Anadolu se ndalimi mund të zgjatet nga autoritetet izraelite.
Në të kaluarën, autoritetet izraelite kanë ndaluar hyrjen e Sheikh Ekrima Sabriut për shkak të mbrojtjes së tij të zëshme të xhamisë dhe kritikave të politikave okupuese izraelite kundër palestinezëve.
