Kandidati për kryetar të Komunës së Çairit, Izet Mexhiti, sot vizitoi klubin e hendbollit për femra WHC Çair, një ndër skuadrat më të rëndësishme në vend dhe garuese në nivele ndërkombëtare.
Gjatë vizitës, Mexhiti u njoh nga afër me punën e kryetares Semija Islami dhe trajnerit Basri Latifi, të cilët kanë arritur të ndërtojnë një klub model që nderon Çairin me sukseset e tij. Përveç rezultateve sportive, WHC Çair shquhet edhe përmes Akademisë së hendbollit, ku mbi 120 fëmijë stërviten dhe zhvillohen si sportiste të ardhshme.
“Kjo është dëshmi se Çairi ka potencial, energji dhe një rini që meriton përkrahje. Si kryetar komune, angazhimi im do të jetë i qartë: të krijojmë kushte më të mira për sportin, të mbështesim klubet dhe akademitë vendore dhe të forcojmë rolin e rinisë në jetën e komunës,” deklaroi Mexhiti gjatë vizitës.
Në fund, ai shprehu mirënjohje për kontributin e klubit:
“Faleminderit për punën e jashtëzakonshme që bëni. Faleminderit që me përkushtimin tuaj e bëni krenar Çairin!”
