Gjatë intervistës së fundit për TV ALSAT, mes tjerash Izet Mexhiti u shpreh:”Lëvizja Demokratike do jetë derë e hapur për të gjithë ata që duan t’i shërbejnë qytetarit, për ata që votën e kuptojnë si amanet për t’i shërbyer qytetarit, do të jetë derë e hapur për gjeneratat e reja, për profesionistë të dëshmuar në fusha të ndryshme që nuk kanë pasur deri tani shansin të jenë në vijën e parë politike dhe të dëshmohen, dhe të japin ndoshta edhe shumë më shumë se ne.
Për ta rrumbullakësuar, më i vjetri me bagazh polktik në Lëvizjen Demokratike do të jem unë, të gjithë tjerët do të jenë të rinj, të dëshmuar profesionalisht, dhe jo vetëm nga rradhët e BDI, por edhe të tillë që asnjëherë më parë nuk kanë qenë pjesë e subjekteve politike”.
