Zv/kryeministri i parë dhe kandidati për kryetar të Komunës së Çairit nga koalicioni Vlen, Izet Mexhiti, vazhdon takimet e tij të përditshme me qytetarët. Kësaj radhe, ai u mirëprit ngrohtësisht në konakun e familjes së nderuar Bakiq, në zemër të Teneqe Mahallës.
Në këtë atmosferë të ngrohtë e miqësore, Mexhiti bashkë me banorët bisedoi për sfidat e lagjes, për projektet që tashmë janë në rrugë realizimi dhe për ato që do të vijnë. Nga përmirësimi i infrastrukturës, tek shkollat dhe hapësirat publike, çdo investim i tij synon një gjë të qartë: një jetë më të lehtë, më dinjitoze dhe më të sigurt për qytetarët e Çairit.
“Mbështetja e fuqishme e familjes Bakiq dhe e Teneqe Mahallës është një mesazh i madh: fitorja do të jetë e madhe, por edhe përgjegjësia jonë po aq e madhe”, theksoi Mexhiti.
Ai shtoi se Çairi ka marrë vendimin e duhur – të ecë fuqishëm përpara. Dhe këtë rrugë do ta bëjë së bashku me çdo familje dhe çdo lagje, për ta kthyer fitoren e Çairit në një fitore madhështore!
